په هالینډ کې ۹ جوماتونو ته ګواښونه شوي دي
ایکنانیوز د مونت کارلو الدولیه د ویبپاڼې له قوله راپور راکړی، په دې وروستیو کې په هالیند کې ۹ جوماتونو ته به وینو ککړو سرو لکیزو کرښو په څېر داغونو سره ګواښونکي لیکونه رسېدلي دي. په دغو لیکونو کې د ګواښناکو جملو لکه «اسلام له نازیزم څخه غوره نه دی» او «اسلام باید ومري» لیکل شوي وو. په ځواب کې، جوماتونو د امنیت د زیاتولو غوښتنه کړې ده.
د «آدمیرل داچ شیلډز» هلندي ورځپاڼې د راپور له مخې، په روتردام کې د آیاصوفیې جومات لومړنی جومات و چې دا لیکونه ئې ترلاسه کړل، وروسته بیا په روتردام کې د مولانا، قوجاتپه او سلام جوماتونه، په هیګ کې د الاقصی جومات، په آیندهوون کې د فاتح او فرقان جوماتونه او په آرنهم کې د ترکي جومات ته هم ګواښونکي لیکونه رسیدلی دي. همدارنګه، په روتردام کې د سلام جومات یوه ډيويډي هم ترلاسه کړې چې پرې «په اروپا کې د اسلام وروستۍ ورځ» لیکل شوې وه.
دغو ګواښونکو لیکونو د جوماتونو مسئولان حیران کړي دي. د السلام جومات مشر محمدی الهرش وویل: دا یو ډېر روښانه بیان دی او مونږ ئې ډېر جدي نیسو. دغه جومات د لیدونکو د امنیت د تضمین لپاره له ښاروالۍ څخه د امنیتي تدابیرو د پیاوړتیا غوښتنه کړې ده.
د K۹ پلیټ فارم ویندوي جورام ون کلاورن، چې د کابو ۲۵۰ جوماتونو استازیتوب کوي، له هالیندي رسنیو سره په خبرو کې وویل چې دا پیغامونه ډاروونکي او ګواښناک دي. دا پیغامونه له کرکې ډک او په بشپړه توګه د منلو وړ نه دي.
په ګواښل شوو جوماتونو کې پنځه د ها لینډ د اسلامي بنسټ (ISN-Diyanet) پورې تړلي دي.
د دغې موسیسې ویاند وویل چې ټول جوماتونه به پولیس د دغو ګواښونو په اړه خبر کړي.
هغه زیاته کړه: جوماتونه له اسلامه د ویرونط د پروسې د اقداماتو اصلي ټارګټ دي. مونږ هڅه کوو چې ارامه واوسو، خو نور د امنیت احساس نه کوو. دا اقدامات اکثره د بیان د آزادۍ په پلمه له پامه غورځول کېږي.
د دغې اسلامي موسیسې په وینا، دا ګواښونه تر یوه حده هغو سیاستوالو ته منسوبېږي چې «ښکاره اسلام ضده پروسه » لمسوي او په پایلې کې ئې د مسلمانانو پر وړاندې توپیر زیات شوی دی.
د ۲۰۱۵ کال راهیسې په هالینډ کې د جوماتونو پر وړاندې کابو ۳۰۰ اسلام ضده پېښې ثبت شوي دي، چې پکې ګواښناک لیکونه، تخریبي اقدامات او د جوماتونو د سوځولو هڅې شاملې دي.
https://iqna.ir/fa/news/4305242
